2014年11月5日 星期三

點解練極都冇腹肌?




 「我已經成日練腹肌,Sit Up、平板支撐都做齊,點解都係見唔到腹肌?」

喺健身室,成日都有人練腹肌。Sit UpCrunchPlank,又用 Fitball 又用 Bosu,但真正練出六舊腹肌嘅又有幾個?

練不出腹肌,並不代表腹肌不夠強,而是他們的脂肪率太高。身體的構造是這樣的:腹肌的外圍是一層脂肪,這層脂肪的多少會決定你嗰六舊腹肌有多明顯。所以,若要腹肌睇落夠勁,就要想辦法將嗰層脂肪減少、變薄。


「剩係見到上腹嗰四舊腹肌,點先練到下腹嗰兩舊?」

原理與上文一樣。其實六舊腹肌早就喺度,只是脂肪尚未夠少,所以只見到上腹肌。只要將脂肪率進一步降低,六舊腹肌便會現形。


「邊個腹肌動作最有效消脂?」

有一個 Concept 大家要緊記:並沒有動作可以針對消除腹部脂肪,亦沒有「練完 XX 後,將脂肪變肌肉」這回事。只有將全身的脂肪一併降低,才可以將腹部脂肪減少。

如何令整體的脂肪降低?集中訓練主要肌肉組群,如大腿、胸肌、背肌等,提升新陳代謝率,令身體消耗更多能量,有助將儲存在身體的脂肪再次轉化為能量再消耗掉。

有冇聽過 Great abs are made in the kitchen」?直接翻譯,即係話「強勁的腹肌是在廚房練成的」。除了做 GYM,飲食同樣重要。少油鹽糖、少飲酒、少食多餐當然唔少得。



係咪要戒晒澱粉質先出到腹肌?」

飲食方法有好多,有人話戒食澱粉質最有效,亦有人話食齋個人即刻瘦晒... 以我自己嘅經驗,正常飲食就已經 OK,不過早餐一定要食,零食、咖啡、奶茶、檸茶就要戒。


 ---------------------------------------------------------------------------------------------------------------

小組健身訓練 Group Training

如果你想:

1) 學習正確而有效的健身技巧,避免受傷
2) 沒有健身會藉,又想定功做 Gym
3) 避免做 Gym 時俾啲大隻佬迫迫貢,或被教練 Hard Sell

可考慮參加於私人健身室舉辦的小組訓練班,有不同日期及類型的課堂任你揀。詳程請參閱:http://simplefitness123.blogspot.hk/2000/01/group-training.html