2015年9月9日 星期三

私人健身課程... 我係咪俾人呃咗?

「早前我參加了私人健身課程,事前教練話課程將包括:負重訓練,用作增肌及修身;肌肉伸展,改善柔軟度;及飲食與補充劑安排。但 20 堂過了,每次都只是做負重訓練,並沒有肌肉伸展或提及飲食方面,這是否有問題?」


如果從常理去理解,你去幫襯一個三道菜的晚餐,結果只有主菜,前菜和甜品失蹤了,咁的確係有問題,要叫個 Captain 埋嚟,問吓佢究竟搞乜鬼。

私人健身課程,係咪應該每堂都包括:肌肉伸展 -> 負重運動 -> Functional Training -> 帶氧運動 -> 最後你瞓喺度,個教練含情默默咁幫你拉筋,咁先叫做圓滿呢?又未必,健身並唔係要乜都做晒就等如好。

私人健身課程嘅課堂內容,應視乎學生的目標及身體狀況。假設目標是減肥 Keep Fit 或改善線條,我會將大部份時間用作負重訓練,鍛練肌肉,希望增加學生的肌肉份量,提升新陳代謝率,令身體消耗更多卡路里,從而減肥;此外亦會了解學生的飲食及生活習慣,再提供建議。

「拉筋同帶氧運動呢??」

如果學生目標是減肥,而其柔軟度足以完成健身動作,那麼我就不會浪費時間去進步改善柔軟度,但熱身運動* 仍然係要做的。長時間、均速的低強度帶氧運動如「跑機」、「踩機」從來不是我杯茶,我不認為它是有效的減肥方法,所以我不鼓勵學生去做,更加唔會企喺側邊睇住佢做。

* 1. 熱身運動唔等如拉筋  2. 熱身係應該喺上堂前自己做,唔好要教練望住你熱身,浪費時間

「點解唔做 Functional Training?」

關於 Functional Training,我有以下意見:

1. 做 Functional Training 係咪可以減肥?係。正如做家務、行街。理論上所有 Physical Activity 都可以減肥。

2. Functional Training 減肥係咪好過負重運動?未必,亦好難比較。正如好難話韓國菜同日本菜邊樣好食啲。

3. Functional Training 動作較負重運動複雜,需要較好的身體協調,運動新手較難掌握。

4. 負重運動可以仔細地針對訓練某部份肌肉,但 Functional Training 較難做到。

---------------------------------------------------------------------------------------------------------------

單人 / 小組健身課程 | 於私人健身室舉辦,有不同日子及類型課堂任你揀。
詳程請登入:http://simplefitness123.blogspot.hk/2000/01/group-training.html