一餐肥 3 磅？ 出街食飯嘅破壞力

「我平日有 Keep 住做 Gym 及控制飲食，身型亦頗滿意，但每次和朋友出街食飯，第二日體重會上升 2 至 3 磅！一餐飯嘅破壞力竟然如此利害？令我唔敢約人食飯了。」

可能有朋友會咁樣同你分析：「1 磅脂肪等如 3,500 卡路里。重咗 3 磅，即係10,500 卡路里。睇報紙話喪跑一個鐘可消耗 300 卡路里，咁 10,500 卡路里，即係要跑... 35 個鐘？」

大家請放心，事實上，條數並唔係咁計的。

首先，1 萬卡路里即係幾多嘢食？如果轉化為炸雞餐，大概如下：

（圖片來源：http://www.soshiok.com/content/sporean-devours-10000-calorie-fried-chicken-meal-45-mins）

有冇可能一次過食咁多嘢？梗係有啦，大有人在。但係，就算你食得晒，唔等如身體會吸收晒 1 萬卡路里的。實際上，要喺一餐之內增肥 3 磅，根本冇可能。

咁嗰 3 磅究竟係乜嘢嚟？水份是也。由於水嘅密度（Density）較高，身體水份嘅多少最能夠喺短時間影響體重。食飯時，我地不知不覺間喺食物吸收唔少水份，令體重喺一夜之間重兩、三磅，但效果只會維持短時間，就算唔做運動，通過去廁所，一、兩日後磅數都會回復正常。

同樣道理，點解有人話著住風褸喪跑或打泰拳減肥最有效？因為跑步或打泰拳時，身體通過排汗流失大量水份，操完一堂上磅，可以即刻輕幾磅，做成有效減肥嘅現象。事實上，只係身體冇咗啲水份，並非一堂就消耗咗幾磅脂肪。

減肥要有成績並非一朝一夕，增肥亦如是。「吊頸都要抖氣」，偶爾同朋友出街食飯，有何不可？

---------------------------------------------------------------------------------------------------------------

單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html