2015年12月13日 星期日

掌上壓 練到大細胸嘅補救方法

掌上壓,睇落唔難,男士起碼都做到十吓八吓。但如果技巧唔好,久而久之可能會練到大細胸。可以點樣補救?

https://youtu.be/dXdL1B4dvAU


1. 減慢速度

有時為咗做多幾吓,會唔覺意做得好快,連左、右胸用力唔平均都唔發覺。建議將速度減慢,大概花 2 秒做一吓,會較容易保持良好姿勢。「如果做慢啲,吓數少咗,會唔會效果差咗?」唔會嘅,因為肌肉用力嘅時間其實差唔多。假設「一秒一吓、做到 30吓」同「兩秒一吓、做 15 吓」,我覺得後者反而仲好。

2. 專注諗住胸肌

不論做掌上壓或其他健身動作,做嗰陣唔好魂遊太虛、諗埋啲無謂嘢,而係應該專注目標肌肉每一吓嘅收縮與放鬆。當你做掌上壓,將身體向上升時,胸肌應該收緊嘅感覺;向下降時應感覺到肌肉正在拉長。而左、右兩邊嘅感覺要一致,感到兩邊同時發力。

3. 谷胸

當身體上升至最高點,手臂伸直時,心裡嘗試諗住收緊胸肌,圖中紅色位置應有「谷實」嘅感覺。
(圖片來源:http://www.thesun.co.uk/) 
4. 左右邊幅度一致

假如你係用右手寫字,通常右胸較強。當你做到左胸冇力時,唔好諗住剩係靠右邊,側埋一邊身格硬做多幾吓。呢幾吓就係大細胸嘅致命傷。如果是但一邊胸肌冇力,就寧願休息一、兩分鐘,等有力先再做。

---------------------------------------------------------------------------------------------------------------

單人 / 小組健身課程 | 於私人健身室舉辦,有不同日子及類型課堂任你揀。
詳程請登入:http://simplefitness123.blogspot.hk/2000/01/group-training.html