早兩日睇過一位外國教練嘅短片，講如何分辨你嘅 PT（教身教練 Personal Trainer 縮寫）係咪呃緊你錢（https://youtu.be/QT_kQp791GQ）。我覺得條片好有意思，令我有感而發，寫出我心目中，一位好教練嘅特質。
1. 視線在哪裡？ - 當學員做緊運動時，PT 係應該望住學員，而唔係電話，或擔天望地。一來確保學員姿勢正確；二來當學員發生意外，例如唔夠力、失平衡，PT 就要立刻反應，保護學員。
2. 守時 – Appointment 約好後，夠鐘就要出現，係最基本嘅事情。呢點唔洗多解釋。
3. 保護學員嘅能力 – 當學員舉重時突然唔夠力或失平衡，PT 是否夠力拎開枝 Barbell 或扶住學員？呢一點同 PT 嘅氣力與體型有好大關係。曾經見過一位男學員 Bench Press 時被 Barbell 壓住心口，但女 PT 唔夠力拎開枝 Barbell。
4. 講得出、做得到 – 如果 PT 本身唔識做某動作（例如：倒立）或舉唔起某重量（例如蹲腿 100 公斤），就唔應該叫學員去做。PT 要親身試過，先能夠知道當中嘅難處及竅門。
5. Training Log – PT 應該記低每堂做過嘅動作、重量、次數等，以了解學員嘅進度及計劃往後嘅訓練內容；而每次上課前，PT 都應該預先計劃好當日嘅流程，而唔係見到學員先即興決定。
6. 訓練目標為本 – 究竟 PT 要你做嘅動作，是否能夠令你進步，達到你嘅健體目標？還是純粹令你流汗、好攰、肌肉痛？呢一點，學員比較難以分辨。令學員覺得辛苦，非常容易；要令學員進步，就要睇 PT 嘅功力。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
