2018年1月7日 星期日

節日後極速消脂


1. 節日後常見易肥部位,如腹部,大腿等,有沒有運動方法可以極速燒脂?(可建議一、兩種)

如果喺網上見到標榜「極速」嘅減肥方法,大家就要小心喇,因為十居其九都係呃人,減唔到肥不特只,仲隨時有損健康。一啲聲稱幾日內就可以減到十多磅嘅方法,其實只係令身體流失水份,令體重下降,營造「瘦咗」嘅效果,但其實體內脂肪一啲都冇減少。
健身運動係有效嘅減肥方法,佢並不「極速」,但如果能夠持之以恆,三個月至半年後,就會見到身體各部份嘅線條逐漸改善,而且效果較持久。

2. 常見的減肥錯誤運動是?(如覺得肥咗狂跑等) 有沒有看過因此受傷的例子?

最常見嘅錯誤觀念,就係認為「增肌就要舉重、減肥就要做帶氧運動」,以為只要狂做帶氧運動,就係消脂最佳辦法。

帶氧運動能否消脂?可以。正如做家務、行公園、游水,全部都可以,但我地要考慮邊個方法較有效。有效嘅定義就係:如果付出相同時間,邊個方法消脂最多,身型最好?依我嘅經驗,每星期 3 5 次、每次約 1 小時嘅健身運動,就已經足以保持身型健美。以相同時間進行帶氧運動或其他方法,效果較為遜色。

3. 不想體重和身形在節日後走樣,平日建議做甚麼固定運動,可以增加燃脂效率的呢?

講到減肥,當然要做健身運動,但並非節日後肥咗先開始,而係一年四季都要做。恆常健身,令新陳代謝率保持較高水平。新陳代謝率越高,消脂速度越快。就算節日期間食多咗、肥咗,只要有健身習慣,都會比其他人更快回復正常體態。
動作方面,Bench PressDeadliftSquat 都係不錯嘅選擇。每個動作可做 4 組,每組約 15 次:

Bench Press:仰卧在長凳上,將槓鈴下降至胸口,再發力舉高直至伸直手臂,並收緊胸肌。


Deadlift:身體前傾、屈曲雙腳,利用大腿及臀部肌肉發力,將槓鈴拉起。


Squat:以肩膊孭起槓鈴,蹲下至大腿成水平,利用大腿發力企起身,至雙腿伸直,收緊大腿肌肉。

---------------------------------------------------------------------------------------------------------------

單人 / 小組健身課程 | 於私人健身室舉辦,有不同日子及類型課堂任你揀。
詳程請登入:http://simplefitness123.blogspot.hk/2000/01/group-training.html