但係我想問，你話減脂係全身減，但我發現有個地方變化最少，就係大腿內側。係唔係因為我呢個位脂肪較多，要多啲時間？Thanks。」
恭喜晒！呢個方法確實係有用，不過並唔係「我嘅方法」，只係我多讀多嘗試之後領悟返嚟嘅，歡迎大家一齊練。
講返大腿內側問題，每個人脂肪積聚嘅位置都略有不同。女人通常都係積喺肚腩、手臂同籮友，但個別都會有唔同，例如有啲上身點肥，對腳都好瘦；有啲就係肚腩平晒，但腰側都仲有肥肉，呢啲係天生嘅。可能你嘅大腿內側比起腰、籮友較易積聚脂肪，所以變化較少。
至於係咪要減到大脾內側滿意為止，就視乎你個人嘅選擇。因為要減到大脾內側滿意，就要進一步將整體嘅脂肪率降低，到時其他部份又可能會太瘦。例如胸部會縮水，因為女性胸部主要係由脂肪組積組成；又或者塊面會再凹啲，顯得有啲憔悴。
---------------------------------------------------------------------------------------------------------------
單人 / 小組健身課程 | 於私人健身室舉辦，有不同日子及類型課堂任你揀。
詳程請登入：http://simplefitness123.blogspot.hk/2000/01/group-training.html
